Ndriçim publik
ANKESË Drejtuar: Drejtorisë së Shërbimeve Publike, Komuna e Gjilanit Nga: Erduan Shabani Adresa: Rr. Mërgimtarët, Gjilan Data: 06.10.2025
Lënda: Ankesë për mosintervenimin në rregullimin e orës së rrymës të ndriçimit publik në rrugën “Mërgimtarët”, Gjilan
I nderuar Drejtor i Shërbimeve Publike,
Nëpërmjet kësaj ankese dua të shpreh shqetësimin tim lidhur me mosfunksionimin e orës së rrymës që kontrollon ndriçimin publik (dritat e sheshit dhe rrugës) në rrugën “Mërgimtarët” në Gjilan.
Ky problem ka vazhduar për një periudhë të gjatë dhe, për shkak të mungesës së ndriçimit në orët e mbrëmjes dhe të mëngjesit, paraqet rrezik serioz për banorët e lagjes, veçanërisht për fëmijët që lëvizin nëpër këtë zonë.
Pavarësisht njoftimeve të përsëritura që i janë bërë punëtorëve të shërbimeve, deri më tani nuk është ndërmarrë asnjë masë konkrete për zgjidhjen e këtij problemi.
Kërkoj me këtë rast nga Drejtoria e Shërbimeve Publike që të ndërhyjë sa më shpejt në rregullimin e orës së rrymës dhe rikthimin në funksion të ndriçimit publik, për të siguruar sigurinë e banorëve dhe të fëmijëve të kësaj lagjeje.
Faleminderit për mirëkuptimin dhe pres reagimin tuaj në kohë sa më të shkurtër.
Me respekt, Erduan Shabani 📞 048 602 302